Assalamu'alaiku Wr.Wb.
Sutan Malin Basa .....!
dikumbalikan buah pasambahan kapado Sutan.
Bak undang bakato cako, adaik dahulu basitinah, kudian kato basicapek, basicapek pulo dikumbalikan kapado Sutan.
kasicapekanno.
kok diateh hari nan cako, nan manjadi panitahan nan ka katangah di Sutan ....
iyo sapanjang panitahan nan katangah di ambo. alah taracak dalam undang, lah talingka dalam pusako. tibo sungguah ditampaikno,
tapi suangguah pun baitu bana,
karano bapakai manuruk adaik, manjadi undang di nan tuo.
kayu banamo kayu kamaik
buahno labek jo pusako
baurek taguah ka bumi
pucuak malepai awan biru
batang kasandi jo andikonan rajo kato mupakaik
nan bana kato baiyo
kito nan tidak buliah manyudahi
putuh rundiang di Pangulu
itulah adaik salamono
karano lai dihadapan karapatan Niniak Mamak, Alim Ulama, Cadiak Pandai, Bundo Kanduang sarato Rang Mudo nan capek kaki ringan tangan, capek kaki indak panaruang, ringan tangan indak pamacah, kok ambo japukkan bana nan katangah di Mamak, jo mupakaik Mamak mananti, laikolah dalam adaik, kan baitu bana Sutan ...?
Insyaalllah. asa tarapuang lai ka hanyuk, asa tarandam lai kabasah, pintak raso kabuliah, kandak lai kabalaku. baoklah jo mupakaik Sutan.
Wassalamu'alaikum Wr.Wb.
SBL
jun aidi <[EMAIL PROTECTED]> wrote:
jun aidi <[EMAIL PROTECTED]> wrote:
Mak Bandaro Labiah nan dianjuang tinggi diamba gadang sambah tapuhun bakeh mamak.Sapanjang buah panitahan mamak nan talewa ka nan rapek tatuju bakeh badan diri ambo, kok didanga lah rancak bunyi kok diliek lah rancak rupo. Nan bak kecek mamak juo lamak dagiang dikunyah kunyah lamak siriah lega carano, karano disiko banyak duduak niniak mamak, alim ulama, cadiak pandai, bundo kanduang jo urang mudo nan capek kaki ringan tangan.Samantaro kato balega mananti mamak sakutiko, apokah alah dalam adat tu mak?wassalamJunaidi
Bandaro Labiah <[EMAIL PROTECTED]> wrote:
Yahoo! Messenger - Communicate instantly..."Ping" your friends today! Download Messenger Now
____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
