Vande Mataram Enbom Lyrics in Tamil Subramanya Bharathi வந்தே மாதரம் என்போம்
எங்கள் மாநிலத் தாயை வணங்குதல் என்போம் வந்தே மாதரம் என்போம் ஜாதி மதங்களைப் பாரோம் உயர் ஜன்மம் இத்தேசத்தில் எய்தினராயின் வேதியராயினும் ஒன்றே அன்றி வேறு குலத்தினராயினும் ஒன்றே வந்தே மாதரம் என்போம் எங்கள் மாநிலத் தாயை வணங்குதல் என்போம் வந்தே மாதரம் என்போம் ஈனப் பறையர்களேனும் அவர் எம்முடன் வாழ்ந்திங்கிருப்பவர் அன்றோ சீனத்த ராய்விடு வாரோ பிற தேசத்தர் போற்பல தீங்கிழைப் பாரோ வந்தே மாதரம் என்போம் எங்கள் மாநிலத் தாயை வணங்குதல் என்போம் வந்தே மாதரம் என்போம் ஆயிரம் உண்டிங்கு ஜாதி எனில் அன்னியர் வந்து புகல் என்ன நீதி ஓர் தாயின் வயிற்றில் பிறந்தோர் தம்முள் சண்டை செய்தாலும் சகோதரர் அன்றோ வந்தே மாதரம் என்போம் எங்கள் மாநிலத் தாயை வணங்குதல் என்போம் வந்தே மாதரம் என்போம் மேலும் கண்டறிக தாயின் மணிக்கொடி வந்தே மாதரம் ஒன்றுபட்டால் உண்டு வாழ்வே நம்மில் ஒற்றுமை நீங்கில் அனைவர்க்கும் தாழ்வே நன்றிது தேர்ந்திடல் வேண்டும் இந்த ஞானம் வந்தாற்பின் நமக்கெது வேண்டும் வந்தே மாதரம் என்போம் எங்கள் மாநிலத் தாயை வணங்குதல் என்போம் வந்தே மாதரம் என்போம் எப்பதம் வாய்த்திடு மேனும் நம்மில் யாவர்க்கும் அந்த நிலை பொதுவாகும் முப்பது கோடியும் வாழ்வோம் வீழில் முப்பது கோடி முழுமையும் வீழ்வோம் வந்தே மாதரம் என்போம் எங்கள் மாநிலத் தாயை வணங்குதல் என்போம் வந்தே மாதரம் என்போம் புல்லடி மைத்தொழில் பேணிப் பண்டு போயின நாட்களுக்கு இனி மனம் நாணித் தொல்லை இகழ்ச்சிகள் தீர இந்தத் தொண்டு நிலைமையைத் தூவென்று தள்ளி வந்தே மாதரம் என்போம் எங்கள் மாநிலத் தாயை வணங்குதல் என்போம் வந்தே மாதரம் என்போம் KR IRS 91225 -- You received this message because you are subscribed to the Google Groups "Thatha_Patty" group. To unsubscribe from this group and stop receiving emails from it, send an email to [email protected]. To view this discussion visit https://groups.google.com/d/msgid/thatha_patty/CAL5XZoofTVDE9SVN8ZUbqRjN0dF_fDiwMstBihOhMsw0Ly%3DEXw%40mail.gmail.com.
