Assalamu'alaikum.w.w.
.... Bialah urang sibuk jo pemilu ko...
.... kito taruihkan juo kaji nan kapatang...
Jadi iko para sahabat, nan antah lai kataturuik dek
awak antah indak. Salain mereka ado pulo nan 6 lai nan
dijamin masuak sarugo yakni Thalhah bin Ubaidilah,
Zubeir bin Awwam, Abu ubaidah bin al Jarrah,
Abdurrahman bin �auf, Saad bin abi waqas, dan Said bin
Zaid.
Ado pandapek mangatokan Abu Tufail adolah sahabat nan
penghabisan sekali.
Sia sahabatko sabananyo ?.
Sahabat iolah urang-urang nan iduik di zaman Nabi,
basuo jo Nabi dan baiman jo Nabi. Sasudah tu tabi�in,
yaitu urang-urang nan basuo jo sahabat. Ado pandapek
mangatokan kasado sahabat masuak sarugo.
Nabi bapasan,
"Laa tasuubu ashabii"
"Jangan kalian menyumpah sahabatku, mencerca
sahabatku".
Jan awak sampai meremeh-remehkan sahabat, bantuak nan
pernah dilakukan oleh beberapa orang wanita Amerika
nan mangaku Islam dan lah lamo dalam Islam kemudian
lah maraso santiang pulo, lalu memperjuangkan
emansipasi wanita, mungkin dalam yang mereka namokan
Islam moderat, menghina Abu Hurairah ra, nan
meriwayatkan hadits.
Jan sato pulo kito maremeh-remehkan sahabat. Sabab
kalau mereka basidakah sacupak gandum, tamar, lalu
awak basidakah sagunuang ameh, indak samo do, indak
ka sagadang mereka pahalo awak do. Dek karano para
sahabat betul-betul ikhlas.
Awak alun tahu lai. Alun dima-dima lai....
Tulih namo...tulih namo .....:)
Kalau gadang sidakah� tulih namo.
Kalau sangenek.... Hamba Allah.....:)
Barani mangaku hamba Allah, panceke alahurabi,
sampilik kariang....:)
Jadi baa ?, lai kataturuik dek awak para sahabat
ko ?.
Saidina Usman sumbayang 2 rakaat, 30 juzu� Qur-an
dibaconyo. Kayo saidina Usman ko ko, bisa awak tiru ?.
Ikuik sahabat indak takao, dapek saketek-saketekpun
jadilah.
........Indak takao.?...aaa jalan nan ciek lai....
Apo tadi ?, ... Minan nabiiyyin, was siddiqiin, was
syuhada was shalihiin.
Aa,... ndak bisa nabi-nabi....
...Was shiddiqiiin
Jalan urang-urang nan Shiddiq. Yang membenarkan.
Sia urang-urang nan Shiddiq ko ?, nan jaleh nampak
di muko mato adolah Abu Bakar as shiddiq (mukasuik
nampak dimuko mato, nan jaleh-jaleh awak tahu urang
nan diberi gelar asshiddiq).
Baa mako dapek gelar Asshiddiq abu Bakar ko ?.
Dek karano baa sajo keadaan Nabi inyo tetap
membenarkan Nabi, walaupun iman urang diuji bana
wakatu itu.
Katiko Nabi baliak dari Isra� dan Mi�raj, urang-urang
Qurasy lah manunggu-nunggu Abu Bakar nan baru baliak
badagang.
Kutiko basuo jo Abu Bakar aa kecek mereka
"Wahai Abu Bakar, Muhammad mangecekkan tadi malam nyo
pai ka palestin, dan lah baliak malam tadi juo"
"Sia nan mangecek tu ?", tanyo Abu Bakar
"Muhamaad nan mangecek" jawab Qurasy
Aaa kecek Abu Bakar sudah tu dek tuan-tuan ?
"Kalau Muhamad nan mangecek, labiah daripado tu den
picayo"
Kan paniang Qurasy dinyo, mereka arok Abu Bakar ka
mandutoi Kecek Nabi. Tapi picayo juo Abu Bakar, ndak
paguno doh, panek mereka.
Iko kelebihan Abu Bakar as shiddiq ra.
Kelebihan Abu Bakar mampicayoi mayakini apo kecek
Nabi.
Cubo tuan-tuan bayangkan, Isra� Mi�raj, iyo bana iman
nan ditanyo. Urang dulu tu..., urang kini lah labiah
murah picayo dek karano lah ado pesawat ruang angkasa.
Urang dulu...?, tu mangko berkembang imajinasi bahaso
Buraq nan mambaok Nabi tu sabantuak kudo bakapalo
manusia dan basayok, dek karano transportasi nan
paliang capek wakatu itu iyolah kudo, (keterangan
hadits mengenai iko disasuaikan jo zaman itu). Kalau
zaman keretapi dulu, tantu bisa lo bakambang imajinasi
bantuak keretapi bakapalo manusia, bantuak filem
anak-anak, kereta api �Thomas�. ....:) .
Kalau zaman oto nan paliang capek, tantu Buraq tu
dibayangkan bantuak oto berperangai manusia sarupo
oto "Knight Raider".......:)
Kalau zaman kini tantu sarupo pesawat ruang angkasa
"Columbia" tapi bakapalo bantuak manusia, bantuak aa
lah kiro-kiro tu ? .....:)
Hanyo Nabi Muhammad saw. nan tau sabananyo baa Buraq
tu.
Tapi dek Abu Bakar nyo picayo. Iko iman nan paten
bana, indak bisa ditawar-tawar lai. Sahinggo Abu Bakar
nan kayo rayo tu, habih haratonyo untuak Islam.
Sampai
kutiko perang Tabuk, habih haratonyo.
"Apa yang tinggal padamu wahai Abu Bakar"
"Allah war rasuuluh", Allah dan rasul, itulah bagi
inyo nan tingga, nan lain lah abih. Co itu Abu Bakar
as shiddiq. Lai takao dek awak ?.
Indak takao dek awak takah Abu Bakar tu,
.....aaa .....Was syuhadaa'.....
Baa tadi ?, minan nabiyyiin, was shiddiqiin,...
....was syuhadaa.....
Urang-urang nan mati syahid�. Hidayah takah iko nan
kito mintak, jalan takah iko nan kito tuju.
Baa syuhadaa� ko. ....Iko pun payah juo ko...
Bayangkan urang pai parang nak mati. Parang fi
sabilillah.
.... Tapi rancak kito sambuang bisuak...Insya Allah..
Wassalam
St. Sinaro
__________________________________
Do you Yahoo!?
Yahoo! Tax Center - File online by April 15th
http://taxes.yahoo.com/filing.html
____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
