Bismillahirrahmanirrahim
Assalamu'alaikum w.w.
Kamanakan Laila Fajri
Kok imbau iyo biaso basahuk-i, sapo biaso bajawek, a nan kino ko, karano alah tibo pulo ulak jo alai dari Kamanakan tahadok diri ambo,
lorong tantangan diri ambo, "tararau diimpik kasau, ibaraik diraok kain basah, indak kama ka manggagai lai", tapi sungguahpun baitu bana, sasaui jo nan cako, diadaik kato bajawek, gayuang basambuk, kok dijawek bara sado nan tahu, kok disambuk bara sado nan takao, Nan kajadi kajawek no kino iyolah :
kito muloi saketek-saketek dih, karano isi adaik ko sabana banyak, kok dikambang saleba alam, kok dibalun sabalun kuku.
Kapatangko ado dunsanak awak manyampaikan, antah papatah antah gurindam namono, bunyino sarupo iko a :
Partamo : "Ditambah nan tinggi supayo nak samo randah jo nan randah, dikurangi nan randah supayo nan samo tinggi jo nan tinggi"
Kaduo : "Kok capek indak dapek dahulu, kok lambek indak buliah kudian"
Ba a kiro-kiro dikamanakan tantangan iko ?, cubo pulolah kamanakan curai papakan, Mukasuk ambo bukanlah ka mauji kamanakan, tapi hanyo maninjau-ninjau laikoh samo sapamikiran kito tantang itu.
Bagarah saketek :
Anak urang Koto Baru,
Pai bajalan ka Padang Panjang
Kamanakan ba rayo pakai baju baru
Mamak ba rayo pakai baju usang
Sakitu dulu dih Kamanakan
Wassalamu'alaikum w.w.
Bandaro Labiah
++ Jan lupo bali Mie Pak Panut di Jalan Nyi A. Dahlan, nGerjen.
Laila Fajri <[EMAIL PROTECTED]> wrote:
Assalamu alaikum.......Mamanda Bandaro...Kapan nih kita mengaji adat seperti janji mamanda sebelum lebaran dulu?WassalamLaila FajriMasih dikota gudeg
Do you Yahoo!?
New Yahoo! Photos - easier uploading and sharing
BT Yahoo! Broadband - Save �80 when you order online today. Hurry! Offer ends 21st December 2003. The way the internet was meant to be.
