[RantauNet] Tr: Salamaik batamu jo sanak-sudaro dari Minang

[jean.reibaud]

----- Original Message ----- From: jean.reibaud To: [EMAIL PROTECTED] Cc: Jean REIBAUD Sent: Wednesday, December 19, 2001 9:53 AM Subject: Salamaik batamu jo sanak-sudaro dari Minang Assalamu�laikum w.w   Talabiah dulu ambo atuakan "Salamaik ari rayo, nan ka dibarakaik i juolah kito andaknyo dek Tuhan Nan Kuaso." Iko kali partamo ambo datang ka Rantau net, ambo sanang ma ota malalui internet, tarutamo dalam bahaso Minang, untuak paubek rindu jo kampuang. Tambahann pulo, kok dicaliek-caliek, lah sulik manamukan bacaan dalam bahaso Minang kiniko, nampaknyo, walaupun awak lai lanca mangecek dalam bahaso Minang, kalau manulihkan indak samurah mangecek doh. Jadi ambo kasanang bana manarimo barito dari sanak dalam bahaso Minang, sanak nan di kampuang, jo sanak nan di rantau. Asa ambo dari nagari VII Koto Talago, Kecamatan Guguk -Kabupaten 50 Kota. Kiniko ambo tingga di Parancih, kiro-kiro 40 km dari Paris. Kok  sanak -sanak nan tingga di Parancih mambaco surek amboko, molah kito saliang babarito, bakucindan caro awak. Ambo dulu basikola di SAA Bukittinggi, tamaik tahun 1972, taragak bana ambo nak bahubuangan jo alumni SAA ko, kok lai ado nan datang ka rantau net, ko, dimaa sajo barado, tolonglah tulih ka ambo, bacarito panjang awak, maungkik-ungkik maso mudo.   Untuak samantaro, cukuiklah tu dulu, ambo nantikan kaba dari sanak.   Idar Islami