RE: [R@ntau-Net] Sunatan Gratis

[Bandaro Labiah]

Assalamu'alaikum Wr.Wb.

 

Angku Rahyus Salim, Dewis jo Sutan Mudo** sarato Sidang RN.

 

Mancaliak pado rupo, mandaga pado bunyi, rupo nan alah samo kito liek, bunyi nan alah samo kito didangakan, Alhamdulillah. Nak aia pincuran tabik, nak ulam pucuak manjulai, lah batamu rueh jo buku,

 

bak papatah urang tuo juo.

 

Babaju kusumbo lusua

pakaian rajo tigo jurai

tanunan puti di ulakan

Dapek paham nan saukua

batamo bana nan sasuai

jatuahlah kato kabulatan.

 

bulek lah buliah digoloangkan

picak lah dapek dilayang

aratino bana, lah tibo golek di nan data

 

nan isino :

satantangan buah rundiangan nan datang dari ambo, alah babari jawek, nan jadi jawekno, Pintak buliah kandak balaku

 

nan kajawekno pulo diambo kinitu :

Alhamdulillah, wa syukurillah, ambo ucapkan, alah sanang dihati.

Insyaallah, basugio pulo ambo karajokan karajo baiak ko. pado patang Jumaik malam Satu bisuakko, ambo lewakan di Acara Bagurau Di Udaro RRI Bogor, galombang 94,25 FM jo 1249 AM, nan biaso dilaksanakan tiok-tiok jam 9 malam.

 

Limbak nan daripado itu, pintak ciek nak duo, dapek duo nak tigo, lalu juo parmintaan (partanyoan) ambo, adopun nan jadi parmintaan ambo adolah : lai buliah kalau nan kabasunaik tu indak anak-anak (indak bakarik jo) urang  Minangkabau doh ? umpamono anak urang Jawa / Sunda (tantuno nan tingga di Jabotabek ko).

Satantangan iko ambo kamukokan, karano tadi malam ambo maota-ota tantangan Basunaik Gratis ko jo dunsanak kito nan barasa di lua Minangkabau, nampakno lai banyak respon, tapi dek karano alun dapek kato putuh dari Sipangka, mangko indak ambo pastikanlah. 

 

sakian sajo dari ambo, kurang labiahno, bamintakkan juo ka nan basamo untuak tukuak tambahno.

 

Wassalamu'alaikum Wr.Wb.

 

 

Bandaro Labiah  

** Kan iyo Sutan Mudo garan gala eh ?

rahyussalim <[EMAIL PROTECTED]> wrote:

---

Yahoo! Messenger - Communicate instantly..."Ping" your friends today! Download Messenger Now

____________________________________________________
Berhenti/mengganti konfigurasi keanggotaan anda, silahkan ke: 
http://groups.or.id/mailman/options/rantau-net
____________________________________________________