Patai
Diari katigo ari perai,
panambuah suasano santai,
disampaikan lah alkisah si Patai.
Patai nan dulu hanyo tigo jinih tamusaua busuak, indak diengong urang.
Karano labiah banyak mudaraik dari manpaaikno.
Lalu .......
Antah aa sabab musababno, antah angin aa nan mambao
-apokoh dek karano kini patai lah banyak nan HARUM-
samusim balakangan go patai jadi parimadona di NAGARI ER'EN (Rn).
Dilapau, dibalerong, jaankan di medan nan bapaneh di medan nan badingin
pun patai jadi pambicaroan urang banyak.
Supayo sado manusia suko jo patai, utk memasyarakatkan patai :
patai-patai dikampanyekan, di tarainingkan, diseminarkan, sabagian
dipasokan.
Antah dek karano lah manjadi 24 jinih, lah sambuah, lah inflasi
kini patai ko sabana murah. Diobral.
Kalau dulu tigo papan saribu, kini perai.
Lalu dek parsaiangan samakin runciang, supayo urang suko jo patai
kini patai indak usah dibali, malahan nan suko patai sampai mabuak
akan dibari kepeang
Indak suko juo ???
Supayo instan, mungkin saripati patai akan dimasuakgan ka urek
darah malalui inpus.
Lalu dek saking murahno, antah apo pulo salahno patai-patai ntun,
mako pado hari Sinayan dibulan April, sado manusia nan baliq
mancucuak patai-patai tu.
Sasudah dicucuak patai-patai ntun, dietong.
Eh ....... nan ka ganjia-ganjia sen........ nan paliang marasai
kanai cucuak, itulah patai nan rancak.
Kecekno PATAI PILIHAN.
Dari pado tambah ba petai-petai
dari balai sampai ka pantai,
sabalun dilantak mak labai
sabalun ado nan kanai rantai
karano indak sampai-sampai
carito patai
eloklah disudahai
mak Ban
http://photos.yahoo.com/mak_bandaro
~~~~~~~~
____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
