Ass,wr,wb. Mamak, Bundo, Uda, dunsanak dan adiak2 nan hadir pado pertemuan lapangan tenis baru2 ko (foto2 nyo alah ambo caliak dan ambo simpan), ambo nan di picayo sebagai Contactman atau perwakilan/Upload Content Web untuak daerah Palembang dan sekitarnya, sangaik batarimo kasiah bana ateh kepercayaan nan dibebankan kapundak ambo tu.
Subananyo kami nan dari Palembang banyak juo nan jadi warga RN, seperti : M.Ismet Ismail, AE Riyadi, dll (kasadonyo dari Pusri) dan ado pulo nan dari PTBA (Bukit Asam) nan indak bisa ambo sabuik satu persatu, tapi dek himbauan alah jatuh ka pundak ambo, mako akan ambo cubo malah tugeh tu. Maaf sakali lai ambo sampaikan, ambo indak bisa hadir dalam rapek tu adolah seperti nan alah ambo sabuikkan terdahulu, yaitu karajo ambo nan sebagai kuli pabirik pupuak urea nan terbesar di Indonesia ko nan mengharuskan ambo siap 24 jam dimano mulai tgl. 10 Maret nan lalu, salah satu pabirik kami nan ampek buah tu melaksanakan perbaikan tahunan. Alun salasai karajo tu, kami nan sebagai pengurus RT di picayo pulo oleh Negara untuak menyelenggarakan Pemilu pado tgl 5 April nan lalu di Komplek Pusri sebagai Sekretaris TPS. H-1 dan H+1 kami diberi dispensasi oleh Direktur kami untuak menyalasaikan karajo Nagara tu tanpa harus masuak karajo. Baliak ka pangka kaji, tentang Notulen Rapek Lapangan Tenis tu, ambo 100 % mensupportnyo, organisasi nan kito bantuak tu harus ado Badan Hukum nyo dan mempunyoi Anggaran Dasar dan Anggaran Rumah Tanggo. Harus ado sumber dana nan digalang dari anggota maupun dari sponsor nan tidak mangikek. Kok susunan pengurusnyo ambo caliek alah cukuik solid dan memang alah duduak ditampeknyo, alah sasuai jo keahliannyo. Tingga ke ikhlasan dan kesempatan nan ado pado urang nan ditampekkan itulah nan kito harokkan. Untuk alamek Sekretariat, tolong disabuik sia nan ado dialamek tu, Sekretaris (Dunsanak Dewis Natra atau Iraf ?) atau Mamak Jo Buyuang nan sebagai Katua pado alamek tu, kok ado disabuikkan pulo nomor HP nyo bia kami nan dari daerah bisa bakirim SMS. Untuak penggalangan dana, harus ado No.Rekening nan bisa di transfer online dari daerah atau dari mano sajo (seperti penggalangan dana gampo kapatang). Jadi kalau kami akan menyetor pitih nan Rp. 50.000,- tu ka Rekening nomor bara harus kami transfer. Sagitu sajo komentar sarato masukan dari ambo, semoga organisasi RN nan berprinsip Nirlaba ko akan dapek maju dan dapek memberikan sumbangan pikiran ke Pemda Sumbar atau Pemkot Padang untuak kemajuan Minangkabau. Wassalam & maaf ambo, M.St.Bangsawan (Rang Sulik Ayie di Bumi Sriwijaya) > Ass. Wr. Wb. > Mamak2, Bundo2, Dunsanak nan ado di palanta Rantaunet. Alhamdulillah > pertemuan di lapangan tennis menghasilkan sesuatu untuak kito basamo di > palantako. Untuak labiah jalehnyo kami persilahkan sanak buka attachment. > Kami berharap juo masukan dari kito basamo untuak Rantaunet ko nan > marupokan > wujud kepedulian kito ka kampuang. > > Salam > Is, 34 > www.cimbuak.com > #Kampuang Nan Jauah Dimato Dakek Di Jari# > > ____________________________________________________ > Berhenti/mengganti konfigurasi keanggotaan anda, silahkan ke: > http://groups.or.id/mailman/options/rantau-net > ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
