Ciri- ciri Anak "Syaithan"
Sewaktu ambo masih tingga dikampuang dulu , tapeknyo tahun 1964 ambo pernah mandanga katubah di Musajik Ashriah nagari Saok Laweh Solok . Kabatulan wakatu tu khatib nan bakatubah tu maagiah tahu ciri � ciri anak syaithan atau dubilih . Kalau nak tahu jo anak syaithan kecek baliau cubo liek satiok hari Jum�at , sia nan datang kudian kamusajik misanyo sasudah khatib lah naiak mimbar dan sia pulo nan pulangnyo paliang duluan , disaat imam baru sajo mangucapkan assalamualaikaum , mako patut diduga bahaso urang tu adolah anak syaithan nan ikuik sumbayang .
Makonyo banyak jamaah nan mamparhatikan kapintu kalua , sia diantaro jamaah nan pulang duluan . Tapi sajak disampaikan katubah tu , indak surang juo nan barani buru buru pulang . Biasonyo kalau musajik dikampuang , sasudah sumbayang ditaruihkan jo wirid , tahlil dan doa . Wakatu ambo barado di Madinah kapatangko , takana dek ambo katubah nan disampaikan dek khatik di kampuang dulu . Onde�. ruponyo banyak bana anak anak syaithan di musajik Nabawi ko , baa mako baitu , baru sajo salam diucapkan dek imam , bahamburan urang tagak dan basigincik nak pulang dulu , khususnya padagang ameh nan manggaleh didakek musajik tu . Biasonyo padagang tu datang ka musajik kalau lah dakek bana wakatu sumbayang , karano masih ado palanggan nan di layaninyo , dan pulangnyo paliang dulu , untuak mambuka toko mananti jamaah musajik pulang untuk balanjo . Antah dimaa pulu dapek kaji dek angku khatik nan saromantu indak pulo jaleh di ambo , namun ruponyo mangkuih juo isi katubah khatik awak tu sabab lah banyak tajadi parubahan . Nantiklah ka ambo konfirmasi kalau pulang kampuang , karano khatib nan ambo caritokan diateh masih hiduik sampai kini .
Wassalam : zul amry piliang
Do you Yahoo!?
Yahoo! Mail - More reliable, more storage, less spam____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
